ندوة صحفية حول الإطلاق الرسمي لموقع "معلومة"

| 0 مشاركة
w1
عقدت منظمة أنا يقظ اليوم ندوة صحفية بالعاصمة حول اطلاق موقع معلومة الذي يهدف إلى توعية المواطنين وتعريفهم بحقهم الدستوري في النفاذ إلى المعلومة قصد الاستفادة منه. وقد قدمت المنظمة هذا الموقع كالآتي:

www.ma3louma.org هو موقع عملتو منظمة أنا يقظ/ I WATCH باش تشوف هل فعلاً الإدارة متاعنا تحترم في حقنا الدستوري في النفاذ و الحصول على المعلومة. لو كان نحب نعرف حاجة، نجم نتحصل عليها؟ هيا نجربوا:
أول خطوة هو أنك تهبط (تحميل) إستمارة مطلب نفاذ إلى وثيقة إدارية، اختار الإدارة ألي تحب عليها، عمر الإستمارة بالمعلومة ألي تحب تتحصل عليها. مبعد قادم المطلب متاعك و متنساش تاخذ décharge.باش هكك يكون عدنا ما يثبت انو المطلب متاعك تصب. أعمال نسخة على décharge و حطها في www.ma3louma.org في خانة "الحكاية وين وصلت" بعدها نبدو نحسبو 15 يوم. علاش 15 يوم؟ هاذاك الأجل القانوني ألي يعطيه القانون للإدارة باش تجاوب. الموقع يمكنك زادة من مجموعة من الوثائق القانونية ألي تثبت حقك في الحصول على المعلومة، ننصحوك أعمل منها نسخة و قدمها مع المطلب و متنساش، الدستور التونسي في الفصل 16 يقول :" لكل شخص الحق في النفاذ إلى المعلومة في حدود عدم المساس بالأمن الوطني وبالحقوق المضمنة في الدستور" أيا نبداو؟